पुण्यातील उरुळी कांचन मध्ये दोन गटात गँगवॉर, पूर्व वैमानस्यातून गोळ्या झाडल्याचा पोलिसांनी वर्तवला अंदाज
काल पुणे सोलापूर रोडवर उरुळी कांचन परिसरातील हॉटेल सोनई समोर शहरातील वाळूचा विक्रीचा व्यवसाय करणारे संतोष जगताप यांच्यावर अचानक पणे चार ते पाच जणांनी गोळया झाडल्या त्यात संतोष जगताप यांचा जागीच मृत्यू झाला.दरम्यान हल्लेखोरावर देखील प्रतिहाल्ला करण्यात आला.प्रतिहाल्ल्यात स्वागत खैरेचा देखील मृत्यू झाला आहे.गोळीबाराची घटना पूर्व वैमानस्यातून घडली असल्याचा अंदाज पोलिसांनी वर्तवला आहे.
या बाबतीत पुणे पोलीस आयुक्त नम्रता पाटील यांनी दिलेल्या माहितीवरून गोळीबाराची घटना दुपारी अडीज वाजण्याच्या दरम्यान उरुळी कांचन येथील चौकात असलेल्या हॉटेल सोनई समोर घडली आहे. संतोष जगताप व त्यांचे बॉडीगार्ड हॉटेल समोर थांबले असता अचानक पणे चारचाकी वाहनातून आलेल्या चार तेपाच जणांनी संतोष जगताप यांच्या दिशेने गोळ्या झाडल्या. संतोष जगताप यांना गोळी लागून खालील पडल्या नंतर संतोष जगताप यांच्या खाजगी बॉडीगार्डनी हल्लेखोरावर पिस्तूलातून गोळया झाडल्या त्यात स्वागत खैरे याचा सुद्धा जागीच मृत्यू झाला.या गोळीबाराच्या घटने नंतर आरोपी घटना स्थळवरून ताबडतोब पसार झाले होते.
या गोळीबारच्या घटनेत संतोष जगताप यांचे दोन खाजगी बॉडीगार्ड जखमी झाले असून त्यांच्यावर खाजगी हॉस्पिटल मध्ये उपचार करण्यात येत आहेत.या घटनेशी संबंधित आरोपीचा शोध घेण्यासाठी पोलीस पथक रवाना करण्यात आले आहेत. गोळीबाराच्या घटनेत मृत्यू झालेल्या संतोष जगताप व स्वागत खैरे या दोघांवर देखील या पूर्वीचे पोलिसात गुन्हे दाखल आहेत.
ConversionConversion EmoticonEmoticon