भरधाव वेगाने समोरासमोर येणाऱ्या दुचाकींचा भीषण अपघात, दोन्ही दुचाकी स्वार जागीच ठार
बीड : बीड - परळी महामार्गावर जरुडफाटा येथे दोन दुचाकींची समोरासमोर धडक झाल्याने दोन्ही दुचाकी स्वार जागीच ठार झाल्याची घटना मंगळवारी घडली.अपघातात सुभाष लक्ष्मण राठोड (वय 45 रा. वडवणी ) व नरेंद्र प्रभाकर जोशी (वय 51 रा. रायगड कॉलनी, बीड ) यांचा मृत्यू झाला आहे.बीड -परळी महामार्गावर बीड तालुक्यातील जरुड फाटा येथे मंगळवारी दुचाकी (क्र एमएच 23 -ए एम 8537) आणि दुचाकी (क्र एमएच 44- वाय 3527) यांची समोरासमोर धडक होऊन झालेल्या भीषण अपघातात सुभाष लक्ष्मण राठोड व नरेंद्र प्रभाकर जोशी हे दोन्ही दुचाकी स्वार जागीच ठार झाले आहेत. मृत नरेंद्र जोशी हे वडवणी येथील वीज कंपनीच्या कार्यलयात कर्मचारी म्हणून कार्यरत होते. हा अपघात एवढा भीषण होता की अपघातात दोन्ही दुचाकींचा चुराडा झाला आहे.
ConversionConversion EmoticonEmoticon