सोलापुरात इनोव्ह कार उभ्या ट्रकवर मागून धडकल्याने 5 जनांचा जागीच मृत्यू तर 3 जन जखमी, जखमींना उपचारासाठी शासकीय रुग्णालयात दाखल करण्यात आले.
सोलापूर : सोलापुरात सोमवार 25 एप्रिल रोजी दुपारी रस्त्यावर उभ्या असलेल्या मालवाहू ट्रक वर मागून इनोव्हा कार येऊन आदळल्याने भीषण अपघात झाला. या अपघातात जागीच दोन चिमुरड्यांसह 5 जन ठार झाले तर 3 जन जखमी झाले आहेत. अपघातातील मृत आणि जखमी हे कर्नाटकमधील हुब्बळी धारवाड आणि मिरज येथे राहणारे आहेत.
आज दुपारी 2 वाजेच्या सुमारास सोलापूर -हैद्राबाद राष्ट्रीय महामार्गावर सोलापूर कृषी उत्पन्न बाजार समितीजवळ हा अपघात झाला. इनोव्हा कार मिरजहून सांगोला मार्गे सोलापूरहून कर्नाटकातील बिदरकडे जात होती. सोलापूर कृषी उत्पन्न बाजार समितीजवळ एक मालट्रक दुपारच्या उन्हात विश्रांतीसाठी थांबला होता. पाठीमागून येणारी इनोव्हा कार उभ्या असलेल्या माल ट्रकवर येऊन जोराने धडकली.
या भीषण अपघातात दोन लहान मुलांसह 5 जनांचा जागीच मृत्यू झाला आहे. तर तीन जन जखमी झाले आहेत. जखमींना छत्रपती शिवाजी महाराज शासकीय रुग्णालयात दाखल करण्यात आले आहे. मृता मध्ये दोन लहान मुलांचा देखील समावेश आहे.
सचिन अण्णासाहेब शितोळे (वय 35 ), दिलीप जाधव (वय 37 ), सोनाबाई जाधव (वय 55),गौरी दिलीप जाधव (वय 5), आणि लाडू दिलीप जाधव (वय 3), अशी अपघात मृत्यू झालेल्यांची नावे आहेत.तर रेखा दिलीप जाधव, विनायक बसवराज देवकर (वय 27),आणि वर्षा सचिन शितोळे हे जखमी असून त्यांच्यावर वैद्यकीय महाविद्यालयात उपचार सुरु आहेत.
ConversionConversion EmoticonEmoticon