पिंपरी-चिंचवड मध्ये गस्तीवर असलेल्या पोलिसाच्या डोळ्यावर स्प्रे मारून सोनसाखळी चोरट्यानी पळून जाण्याचा प्रयत्न केला.ही घटना निघडी प्राधिकरण भागात घडली असून यामध्ये पोलीस कर्मचारी सतीश ढोले आणि त्यांच्या सोबत असलेले पोलीस मित्र देखील या घटनेत जखमी झाले आहेत.पोलीस कर्मचारी सतीश ढोले यांचीशी सोनसाखळी चोरांनी झाटापट करून पळून जाण्याचा प्रयत्न केला मात्र जखमी अवस्थेत सुद्धा सतीश ढोले यांनी या अट्टल सोनसाखळी चोराला पकडून ठेवल्याने पोलिसांनी त्याला अटक केली आहे.सोनसाखळी चोरट्याचे नाव राजु खेमू राठोड असल्याचे पोलिसांनी सांगितलं आहे. या चोरट्यावर या पूर्वी 50 गुन्ह्यांची नोंद असल्याची माहिती पोलिसांनी दिली आहे.ही थरारक घटना पिंपरी चिंचवड मधील निगडी प्राधिकरण भागात घडली आहे.
निगडी प्राधिकरण मध्ये उच्चभ्रू लोकांच्या सोसायट्या आहेत.या भागातील लोक पहाटे फिरायला जात असतात. त्यामुळे सोनसाखळी चोरांचा देखील वावर या भागात जास्त असतो.सोनसाखळी चोरीच्या अनेक घटना या अगोदर घडलेल्या आहेत. त्यामुळे या परिसरात पोलीस गस्त घालत असतात.याच पार्शवभूमीवर निगडी पोलीस स्टेशनचे कर्मचारी सतीश ढोले पहाटे गस्तीवर असताना हा आरोपी राजु संशयास्पद आढळून आल्याने त्याला थांबविण्याचा प्रयत्न करत असताना आरोपी दुचाकी वरून पळून जात होता.
दरम्यान सतीश ढोले यांनी दुचाकी अडवून पकडण्याचा प्रयत्न करत असतात दोघात झाटापट झाली. आरोपीने पोलीस कर्मचारी सतीश ढोले यांच्यावर चाकूने वार करण्याचा प्रयत्न केला मात्र तो फसला नंतर आरोपीने सतीश ढोले व पोलीस मित्र हगवणे यांच्या डोळ्यावर स्प्रे मारून पळून जाण्याचा प्रयत्न केला परंतु जखमी अवस्थेत सतीश ढोले यांनी कोरट्याला पकडून ठेवले.सतीश ढोले यांनी आधीच सकाकऱ्यांना माहिती दिली होती.त्यामुळे या अट्टल सोनसाखळी चोरट्यास अटक करण्यात पोलिसांना यश आले आहे.चौकशी दरम्यान आरोपीवर 50 गुन्हे दाखल असल्याची माहिती पोलिसांना मिळाली आहे.
ConversionConversion EmoticonEmoticon